Highsoft AS

Highsoft er den verdsleiande leverandøren av JavaScript-biblioteket Highcharts – eit verktøy for interaktive og tilgjengelege datavisualiseringar på web. Løysinga vår blir brukt av utviklarar over heile verda, og Highcharts blir brukt av 80 av dei 100 største selskapa i verda.

Vi utviklar og vidareutviklar eit produkt i verdsklasse som gjer komplekse data enkle å forstå. Stabilitet, kvalitet og god dokumentasjon er heilt avgjerande for oss – det er slik vi held posisjonen vår i eit globalt marknad.

I dag er vi over 50 tilsette fordelt på Vik, Sogndal og Bergen, i tett samarbeid med teamet vårt i Krakow.

Hjå oss møter du dyktige folk som både kan faget sitt og heiar på kvarandre. Vi har lite jåleri og mykje tillit. Du får ansvar, påverknad og rom til å prøve – utan at nokon pustar deg i nakken.

Vi kombinerer høg fagleg standard med eit uformelt miljø der det er lov å stille spørsmål, vere nysgjerrig og tenke nytt. Nokre jobbar frå Vik mellom fjord og fjell, andre frå Bergen, Oslo eller heimekontor – men vi held tett kontakt og samlast jamleg.

Kort sagt: Vi byggjer verdsleiande teknologi, men vi gjer det på ein jordnær måte. Og vi har det kjekt på jobb!