100% stilling som Biblioteksjef

Stilling ledig frå 12. juni 2023.

Vil du bu og arbeide i eit Noreg i minatyr, i eit landskap som strekker seg frå vakre sandstrender heilt vest i havet til isbrear og eit fantastisk fjellmiljø lenger inne i landet? Her har vi naturperler som Vetvika, Grotlesanden, Ålfotbreen, og Europas høgste sjøklippe Hornelen.

Vi søkjer biblioteksjef i 100% fast stilling som skal vere med å vidareutvikle Bremanger folkebibliotek som kulturarena og møteplass, og som skal fyllast med opplevelse og inspirasjon.

Vi er no inne i ein omstillingsprosess der vi har som mål å bygge opp eit nytt hovudbibliotek i kommunesenteret Svelgen, og som vil bli samlokalisert med kulturskule og kino. Biblioteket i Bremanger består av hovudbiblioteket i Svelgen samt ein filial som ligg på Hauge ungdomsskule i ytre Bremanger. Biblioteket har to tilsette i tillegg til biblioteksjef i tilsaman 2,3 årsverk. Stillinga har funksjon som fagleiar bibliotek og inngår i fagleiarteamet i kultur og fritid.

Bremanger kommune er tilknytta nettverk Nordfjord der ein har interkommunalt samarbeidsfora for biblioteka.

Arbeidsoppgåver

• Dagleg drift av biblioteket

• Samarbeide med lag og organisasjonar og andre kulturaktørar

• Administrere arrangement i biblioteket sin regi

Kvalifikasjonar

• Minimum bachelor i godkjent bibliotekfagleg utdanning

• God muntleg og skriftleg framstillingsevne

• Engasjert og lysten på å formidle

Vi tilbyr

• Lønn etter avtale

• Gode arbeidstidsordningar

• Fagleg oppdatering

• Eit kreativt kollegium

• Eit rikt kultur og friluftsliv

• Anledning til å utvikle biblioteket som ein viktig kulturarena inn i framtida

Ta gjerne kontakt for ein prat!