Vil du jobbe med teknologi og toppidrett?

Om stillinga

Har du lyst til å utvikle tenester for toppidretten? Bidra til helseutvikling og gjere ein forskjell? Vi søker fleire utviklarar!

Entalpi er eit nystarta selskap som allereie har bidratt til OL-gull og VM-gull i toppidretten. Hovedgrunder Olav Aleksander Bu er også trenar for triatlonlandslaget, og har utvikla ein algoritme og testprotokoll som blir brukt til å lage ein individuell profil. Basert på profilen skal Entalpi si programvare gje deg moglegheit til å optimalisere trening knytt til treningsmengde og ambisjonsnivå.

Arbeidsoppgåver

Entalpi er allereie i gang med utvikling, og vi har fått med oss fleire store aktørar innan helse, rehabilitering, utdanning, forskning og toppidrett. Vi har utvikla ein betaversjon som blir tatt i bruk av toppidretten i løpet av 2021, og vi har som mål å lansere ein oppdatert versjon til eit utval kundar i løpet av 2022. Om nokon få år skal vi vere på den internasjonale marknaden. No treng vi deg som kan hjelpe oss med å vidareutvikle produktet.

Kvalifikasjonskrav

• Vi treng folk både til back-end, front-end og integrasjon mellom HW og SW.
• Det er ein fordel om du har erfaring med Python og/eller Javascript/Typescript og React.

Om deg

• Du er ein motivert utviklar som er nysgjerrig og vil prøve noko nytt.
• Du kan jobbe sjølvstendig og på lag med andre.
• Du ser at trening i arbeidstida gjer ein verdi.
• Du tykkjer det er spennande å kunne vere med og utvikle noko som gjer ein forskjell for folk.

Vi tilbyr

• Fleksibel arbeidsstad
• Trening i arbeidstida
• Konkurransedyktig lønn og pensjon
• Veldig gode forsikringsordningar
• God moglegheit for eigenutvikling
• Moglegheit til å påverke

Var dette interessant? Send ein søknad til Richard Skår: rs@entalpi.no

Vi ser fram til å høyre i frå deg!