Ta Steget! Karrieremesse 2022

22. mars inviterer vi deg som er nysgjerrig på jobb i Vestland til Framtidsfylket karrieremesse i Bergen.

Endeleg! Det er igjen tid for at du kan møte attraktive arbeidsgivarar frå Sogn & Fjordane og Ullensvang i Grieghallen i Bergen. Med seg har dei ledige stillingar, traineestillingar og spennande jobbsjansar. Om du vil ha ein jobb der du får vere med og påverke, er distriktet eit hot tips! 💚

Vi vil at DU skal ta Steget! Steget det er å søke ny jobb, steget det er å flytte og karrieresteget du drøymer om.

Påmelding Karrieremesse

Vil du melde på bedifta di? Les meir her.

Program 22. mars 2022

17.30: Dørene opnar. Takk for at du registrerer deg.

17.45: På scena står eit knippe unge og ambisiøse menneske med stor påverknad i arbeidslivet. Dei fortel si inspirerande historie.

18.15: Get ready to mingle! Møt bedrifter på stand, delta i konkurransar, skaff deg sommarjobb, ta deg ei svele, kapre eit jobbintervju, nyt vår digge berekraftige buffet. Kvelden er din!

Nyheit! Level-up!

Level-up er eit nytt konsept der du får utfordre deg sjølv og samtidig konkurrere om kule premiar. Vi deler ut konsertbillettar, opplevingar i Vestland, hotellovernatting og meir. Hugs å besøke Level-up-teltet.

Delta i Level UP

Berekraftig buffet

Vi veit at du er opptatt av miljøet, og det er sjølvsagt vi også. Derfor har vi i år basert heile buffeten på restemat. Ja, du las riktig, og nei, maten er ikkje frå kontainerane i Grieghallen. Vi serverer digg, variert mat laga same dagen til andre event – men som er til overs. Altså restefest. Vinn/vinn?

Og sjølvsagt blir det også i år velduftande sveler rett frå takka 💚